Dawiya Dawî

Piştî ku min ev berhema Peter Turrinî bi zimanê Almanî xwend û min wergera wê bi zimanê Kurdî xwend, min dît wêjevana kurd, Asya Xerzan ev parçeyê şanoyê bi çi hostayî li zimanê Kurdî wergerandiye. Ez vê berhema biserketî ya birêz Asiya Xerzan li wê û li me hemûyan pîroz dikim, ji wê re serketinê dixwazim, bi hêviya gelek berhemên din… Dr. Zerdeşt Haco Serekê rûmetê yê Navenda PENa Kurd Peter Turrini, di 26ê Îlona 1944an de li Sankt Margarethen Karntenê ji dêya xwe bû. Dibistana destpêkê li Maria Saal xwend, dibistana navendî û akademîya bazirganîyê jî li Klagenfurt’ê. Peter Turrini, Avûsturyayî ye û li Kleinriedenthal a nêzî Retz’ê dijî. Berhemên wî li zêdetirî sih zimanî hatine wergerandin û li seranserê cihanê şanoyên wî têne leyîstin.