Qesîdeya Burde

Mele Evdirehîm Înanç di sala 1959’ê de li gundê Behmûrê ya ser bi navçeya Cizîrê ve ji dayîk bûye. Navê babê wî Şêx Elî ye, ew jî kurê Şêx Hacî ye. Perwerdeya xwe ya pêşî li cem babê xwe dest pê kiriye. Hêj di zaroktîya xwe de babê xwe wenda dikê. Dibistana seretayî li gundê xwe Behmûrê, dibistana navîn û lîse yê jî li Cizîrê diqedîne. Ferqa dersên Îmam -Xetîbê li Mêrdînê dide. Sala 1985’ê Fakulteya Îlahîyatê ya Zanîngeha Selçûk a Konyayê qedandiye. Sala 1979’ê li Camîya Mezin a li navenda Cizîrê wek muezzîn-qeyyûm dest bi wezîfeyê kirîye. Paşê li gundê xwe ew wezîfe dewam kirîye. Sala 1988’ê li navenda Cizîrê wek îmam dest bi wezîfe dike. Sala 1992’yê wek muftî tayînî Qilaban a Şirnexê dibe. Piştî ku li deverên cur be cur ev wezîfe berdewam kir, di sala 2016’ê li navçeya Bünyana Qeyserîyê xanenişîn dibe. Mele Evdirehîm vê gavê li navenda Cizîrê îqamet dike. Demê xweyê vala bi ders dayîna feqîyan ve derbas dike. Li gel vê jî bi werger û hûnandina helbestan mijûl dibe. Zewicî ye û babê 10 zarokan e.